超過60年前，前蘇聯發射人類史上第一杖人造衛星上太空，到今時今日，太空科技已經成為人類日常生活不可或決嘅科技，亦帶動其他技術進步。例如Citizen推出嘅「Satellite Wave F950 50週年紀念限定」腕錶，就同太空有密切嘅關係。

首先，呢隻「Satellite Wave F950 50週年紀念」用上衛星對時，其內嘅F950機芯能夠於3秒內接受GPS衛星訊號，再自動修正時間。咁好明顯，如果人類冇射啲人造衛星上太空就做唔到呢個效果啦係咪？但冇咁明顯嘅，係佢個錶殼都同太空有關。

卻說當年美國嘅「阿波羅太空船」用上鈦金屬，而1970年Citizen亦推出首次以鈦金屬製作嘅「X-8」。50年後嘅今日，Citizen就研發出比一般鈦金屬硬5倍、而且可以有不同顏色嘅「Super Titanium」，上年更與日本月球探索企業「iSpace」達成合作關係，將「Super Titanium」用於「HAKUTO登月計劃中」。亦即係呢隻「Satellite Wave F950 50週年紀念」嘅錶殼及錶帶，同部月面探測車係用同一種物料，再使用精密切割技術，將兩種顏色嘅Super Titanium拼合，造出巧妙嘅多層結構。