1815年係腕錶品牌朗格嘅創辦人「F.A. Lange」嘅出生年份，所以品牌有個「1815系列」專門用黎紀念朗格先生。而早前於Watches & Wonders，朗格就為1815系列推出「Homage to F.A. Lange」嘅三款限量版腕錶，其中嘅「Tourbograph Perpetual Honeygold」就係集品牌技術於一身嘅作品。

1815系列於2017年就已經推出限量50隻嘅「鉑金950Tourbograph Perpetual “Pour le Mérite”」，43mm錶殼厚16.6mm，重量感十足。而錶殼要咁大嘅原因，當係因為要承戴多達684個零件嘅L133.1機芯，而個機芯之所以要有咁多零件，就係因為佢集芝麻鏈傳動系統、陀飛輪、追針計時裝置以及萬年曆五大複雜功能於一身。其中萬年曆只需調較一次就可以準確顯示100年嘅日期，月相顯示嘅準確度亦達122.6年；陀飛輪和芝麻鏈傳動為咗確保腕錶走時精準；追針計時更加展現機械嘅美學。

而新嘅「Tourbograph Perpetual Honeygold」亦保留上述五個功能，但錶殼、指針、時間、日曆顯示以及黑色鍍銠月相就換上朗格自家製、成份不明嘅18K蜂蜜金，錶盤係黑色鍍銠，構出一個比「鉑金950」更深邃內儉嘅氣質。