雖然威士忌能夠配搭不同的食物得出不同風味，但如果要數「威士忌配咩食係最Man」，個答案大概就係「食雪茄」。而以推出Winston Churcill系列雪茄而聞名嘅Davidoff of Geneva，早前就推出咗同樣以邱吉爾爵士為靈感，最適合用黎配雪茄嘅「Bowmore Private Cask 26 Years」，等大家Man上加Man。

叫得做「Bowmore」，酒液當然係來自蘇格蘭Islay島上嘅Bowmore蒸餾廠。據知酒液係於1995年開始，於最佳條件下陳釀於波本豬頭桶達26年，帶有蘋果及桃子果香，以及Islay標誌性嘅泥煤味，以及「檸檬汁灑在牡蠣上」的香氣；口感則充滿煙熏感，再帶薄荷醇及樟木嘅氣息；餘韻帶有海澡、蜂蠟、葡萄柚及檸檬香氣。與雪茄配搭相映成趣。

更重要嘅係，呢支「Bowmore Private Cask 26 Years」全球產量僅146支，每支都有獨特編號，以木盒包裝，再附一個木製杯墊，整體氣份高貴而優雅，最適合一眾重視生活品味與情趣的Gentlemen。值得留意嘅係，「Bowmore Private Cask 26 Years」只會於Davidoff of Geneva指定分店 (即中環置地、尖沙咀半島及海港城) 以及Acanta (海港城及銅鑼灣柏寧酒店) 發售，想入手嘅大家要留意。