由永井豪創作嘅經典動畫《鐵甲萬能俠》於去年迎來播出50週年紀念，當然亦有推出大量紀念週邊，甚至到2023年嘅今時今日都仲繼續出緊。最新嘅就有與Seiko合作嘅50週年紀念腕錶。

呢隻50週年紀念腕錶整體以不鏽鋼製成，而錶面就加入大量《鐵甲萬能俠》元素，例如Seiko標誌下可以見到鐵甲萬能俠嘅胸口熱能板形狀、12點位置有朋友號嘅紅色剪影，而六點位置小錶盤亦有「Z」標誌。腕錶底蓋則刻有鐵甲萬能俠嘅頭像。

另外腕銀嘅包裝盒仲見心思。除咗頂部刻有光子力研究所嘅標誌之外，打外後亦可以見到鐵甲萬能俠嘅全身像，而且隨住觀看角度唔同，亦可以見到機體嘅透視圖。Seiko X 鐵甲萬能俠50週年紀念腕錶目前於日本PEMICO網站可以預訂，連稅售價為54,780Yen，即大約HK$3340左右。預計今年6月下半先出貨。

資料來源：PEMICO