MBII White

成個設計嘅靈感來自英國航空技術公司Martin-Baker嘅彈射座椅，有橙、綠、碳黑色可以揀。呢隻錶經過實時彈射測試、海拔測試、航空母艦甲板測試、震盪測試、極端氣溫耐力測試同多用途控制員座椅（Multi-functional Operators seat）抗撞擊測試，務求應付到飛行途中嘅極端環境。Trip-Tick錶殼入面有特製裝置將對機芯震盪減到最低。內層錶殼仲有以軟鑄鐵造成的「法拉第籠」抗磁罩，保護性十足。

ALT1-C/PB Chronograph

舊年隻ATL1-C/PW係Bremont第一款非限量版拋光不鏽鋼錶，今年再整多隻PB Chronograph，同樣典雅老正。錶盤有兩個深灰色計時盤，以全新設計嘅拋光鎳製指針運行。拋光不鏽鋼錶殼經硬化處理，有更強抗震能力嘅同時，仍然維持到表面的拋光打磨。塗層物料廣泛應用於宇航科技，令錶殼更加強靭、更加舒適及更能夠抵抗金屬疲勞損壞。

ALT1-ZT/51

ALT1-ZT/51同先前隻ATL1-ZT/BK於功能上分別唔大，有Roto-Click雙向旅轉內圈，格林威治標準時間顯示，第二時區刻度，令旅行人士更方便。43毫米不鏽鋼錶殼，硬度達維氏硬度計2,000度，比一般不鏽鋼錶殼堅硬7倍，拱形藍寶石水晶錶鏡響錶鏡兩面各塗有9層防反光塗層，使錶鏡更加通透。