今次Glenmorangie做咗個示範Pairing，成個set用咗4枝唔同風味嘅作品去配對食物，將唔同嘅感覺、風格，一次過呈現出嚟。

Glenmorangie Original配 Farm Matured Cheese 農夫芝士

Glenmorangie Original 有標誌性嘅優雅花香，酒液響美國白橡木桶進行為期 10 年嘅熟成，有好平衡嘅甜度，順滑、豐富層次的口感。呢枝酒襯由 Dutch Cheese 供應嘅新鮮農夫芝士，突顯到威士忌嘅順滑口感，同時亦令雲尼拿風味更見細緻。

Quinta Ruban 配 Jamon Serrano白毛豬火腿

同樣於美國白橡木桶經過 10 年釀製，之後換桶至特選自 Quintas 葡萄牙酒莊嘅 Ruby Port 酒桶。酒香散發出薄荷黑朱古力同柑橘的芳香，入口帶甜，然後湧出層層玫瑰、土耳其糖、塞維亞甜橙風味，同鹹香嘅白毛豬火腿形成強烈對比，但又唔會互相搶味。

Nectar D’Or 配 Salted Caramel Macaron 海鹽焦糖馬卡龍

呢枝威士忌係精挑法國最有名、古老嘅甜酒產區嘅Sauternes酒桶為原液，加以陳釀。蜂蜜般嘅金黃色澤，葡萄乾、棗子帶嚟豐富果香，入口有獨特嘅蜜糖檸檬酥皮、蜂蜜味道。配搭由 Paul Lafayet 製作嘅傳統海鹽焦糖馬卡龍，香甜中充滿濃郁焦糖氣息，恰好延長咗檸檬香、白朱古力、同雲尼拿嘅餘韻。

Signet 配 Chocolate Craquelin 特濃朱古力脆餅

30 年靚嘢威士忌，由世界上最優質嘅木桶釀製熟成，深邃琥珀酒色，散發著濃縮咖啡、蜜糖再融合葡萄乾布甸嘅芳香，入口圓潤，甜度豐富，仲帶有香料、摩卡嘅苦澀。而Paul Lafayet 嘅特濃朱古力脆餅，味道帶可可甘甜，加上其綿密口味，兩者簡直係絕配。

呢個 Pairing Set 會於香港12間餐廳酒吧供應到4月30號，名單如下，有興嘅巴打可以去試吓 :