鐵路仍然係陸上主要交通手段，以前訪問過一位居港日本男士，佢喜愛鐵路、列車到一個地步，幾乎將自己人生嘅一半時間花費喺Train & Rail之上。去各國觀察、感受、拍攝各款列車、買書自己研究、自己製作一系列可動式模型，非常之專業，呢位高人就係 Hitachi Elevator Engineering 嘅 HK Finance Director，橫山和明先生。男人就係咁樣嘅一種動物，為咗自己嘅喜好，可以全情投入。

今年 Longines 從時計嘅角度出發，重新設計咗一隻鐵路腕錶，40mm精鋼錶殼、底蓋刻有20年代為鐵路公司設計之懷表上嘅原創裝飾圖案。

L888.2自動上鍊機芯，擺動頻率每小時25,200次，提供到約64小時動力儲備。圓形米白色錶盤，外內圍阿拉伯數字時圈顯示，可以見到圓頂位用咗「0」代替傳統「12」，加上內圍24小時刻度、分針指示，閱讀時間都算方便。

 錶帶採用黑色短吻鱷魚皮，售價 HK$14,700。