錶名嘅Williams係指品牌合作夥伴Formula 1車隊Williams，Oris從佢地身上得到一級方程式用到嘅碳纖維生產技術，然後融入腕錶之中。碳纖維聚合物，其實適用於任何高硬度而低重量嘅組件，例如賽車車架、軚盤都係用佢，比起不銹鋼輕 5 倍之餘，穩定性更加高兩倍。

要處理呢個咁強勁嘅質料，Oris主要用咗兩個步驟。一、首先將編織嘅碳纖維增強聚合物片材，以手工逐層疊在個別模具，然後二、喺5倍大氣壓下嘅特殊烤爐以130℃高溫再次硬化。使用纖維波而非切絲波以確保材料為固體狀，絕無空隙。每一個錶殼嘅中間部分皆由手工製作。

繁複嘅製作過程，以達致高一體性錶殼形狀及精緻外表。鈦金屬底蓋、藍寶石水晶玻璃，可以直接安裝上去，無需要進一步加工或加裝特殊墊片。事實上，唯一需要額外加工嘅是磨走多餘材料，並且為錶冠、計時按鈕、錶帶鑽磨，預留空位。

44mm碳纖維錶殼，配上經黑色DLC 塗層處理嘅鈦金屬製造部份，包括有錶圈、錶冠、按鈕同螺旋式底蓋。錶盤3個計時器，分別為小秒針、時針及分嘅計時器。自家自動上鍊Cal. 674機芯，防水功能100米。

 Oris Williams Chronograph Carbon Fibre Extreme官配黑色DLC 塗層鈦金屬摺疊錶扣加黑色橡膠錶帶。建議售價 HK$30,800。