無游絲、無錶冠、無指針，一樣可以睇到時間，NOMOS新出咗隻日晷指環，用太陽光投射角度去顯示時間。個指環面頭有3組軌跡，中間一個穿孔，左、右兩組英文月份刻度，指環內側就有兩列阿拉伯數字小時刻度。

使用方法好簡單

1. 除咗隻Sundial先
2. 將中間個穿孔轉去相應嘅月份
3. 將個穿孔對準太陽
4. 陽光經過穿孔投射去指環內側嘅小時刻度，粒光既位置就係時間顯示

係咪幾好玩先? 不過聰明嘅大家實會問，用太陽光投射角度、經度緯度睇時間，唔同國家咪會有偏差囉? 係呀，所以呢隻Sundial有出唔同地區版本，德國、美國紐約、西班牙馬德里等等，而香港就應該用大中華區版。

個指環有兩個款，不銹鋼HK$1,500，香檳金HK$2,500，兩個版本都會送羊皮掛繩，俾你掛喺條頸度。