法國巴黎裝飾藝術博物館最近有個叫「手工藝之印（L'empreinte du geste）」嘅展覽，主要希望向大眾推廣多啲承襲古老技藝嘅手工藝大師。個展覽由VC同法國國家工藝局聯合主辦，喺開幕晚宴之中，VC就展示咗5隻全新嘅Métiers d’Art Elégance Sartoriale。

為咗向手工訂製西裝之剪裁藝術致敬，VC特別邀請世界上最具歷史嘅西裝布料製造商Vitale Barberis Canonico，攜手創造Metiers d’Art Elegance Sartoriale系列。呢個意大利西裝布料生產企業擁有超過350年嘅悠久歷史，其工藝、專業技藝更加享譽全球，所以今次呢個腕錶系列，會特別Fashionable。

5款分別係威爾斯親王格紋、人字斜紋、窗格紋、條紋、格仔紋，呢啲精緻織錦同傳統手工西裝裁縫技藝互相呼應，錶盤邊緣仲有類似西裝褶邊嘅刻紋圓。錶盤中間透過機刻雕花造出織綿效果，喺纖薄嘅金質底盤做呢啲紋路其實極之困難，要花好多時間精雕細琢先做到0.1mm嘅精準光影效果。

同樣係40mm錶殼，配18K白金或者18K 5N紅金。3點位一個偏心織綿圖案金質小錶盤，理念來自佩斯利渦紋旋花呢（Paisley），花朵或者裝飾口袋方巾嘅幾何圖案。自家1400手動上鍊機芯，動力儲存大約40個鐘頭，靚到爆的還有，密西西比鱷魚皮錶帶手工縫製錶帶。