45mm Case亦都相當有份量，使用堅硬而紋路清晰嘅質料，男人味十足。搭載自家品牌嘅B04雙時區機芯、1/4秒Chronograph、24個城市時區嘅旋轉內圈，同24小時制嘅時間刻度。

盤面外圈雖然睇落比較複雜，但錶盤中央嘅時間顯示依然簡單易懂，紅色指針以24小時制表示Hometime，右下方4點半嘅日期視窗會跟住你調較嘅時區而調整。30分鐘計時盤於3點位；12小時計時盤則於下方嘅6點位。

百年靈自制B04雙時區機芯，有天文台 COSC 認證，自動上鍊，每小時擺頻28,800次，動力儲存約70小時。呢個碳纖錶殼，配合旋入式錶冠，防水深度達到100米。黑色橡膠錶帶，全球限量250隻。