成日有朋友問，送錶俾女士應該送咩好，呢個問題其實好簡單，只要隻錶有呢兩樣嘢 : 靚、名氣，足以應付99% 嘅女生需求，其餘嗰1%，唔需要靚、唔需要有brand，咁你仲駛煩送乜? 講返今次呢隻女裝 Bell & Ross，鑲鑽配星系主題，連男人都覺得好靚。

BR S Diamond Eagle係用古代啲人用星體去辨別方向做出發點，無論係陸路定海路，天象都係導航嘅重要工具之一。腕錶嘅鑲鑽錶盤，利用由鑽石同刻面嘅時標展示出星象，精緻嘅午夜深藍，有太陽光線飾品，以工藝嘅角嚟睇亦相當之優美。

簡單流線型雙針設計，錶殼特登做到飛機舷窗嘅造型，令配戴者更容易藉此聯想起星空。外方內圓嘅錶殼設計亦係 BR品牌嘅Signature，精鋼加拋光、緞光處理，同錶圈形成對比。瑞士製石英機芯，簡單得嚟可靠、準確。錶底蓋有天鷹座圖案 (無錯，係夏日大三角)，錶帶仍然採用深藍色，質料為鱷魚皮。

普通版Bell & Ross BR S Diamond Eagle，售價HK$21,500，而錶圈有66鑽石嘅多鑽版BR S Diamond Eagle Diamond則賣HK$50,700。