今年歐國盃未開幕已經有點感傷，如果托利斯、馬達無落選西班牙，派路無變老，Drinkwater 無輸俾 Wheelchair，咁…… 唉，現實一幕幕都令人無奈。連瑞士嘅辛達路斯都要退下火線，一代新人換舊人，瑞士唯有等 Sommer、Xhaka 佢地百X成材啦。Bucherer 今年為瑞士整咗隻Special Edition，適逢歐國盃熱潮，如果瑞士爆冷，呢隻錶都可以好有紀念性，記住，我係話如果。

黑色錶盤，精鋼錶圈，可以話 ScubaTec 本身已經好靚。同原版真係分別不大，細心留意先見到瑞士足協標誌喺錶圈上面，後面錶底蓋同樣有個大啲啲嘅瑞士足協 logo，咁你當然可以話隻紅色好 match 瑞士國旗啦，但特別版嚟講，呢隻嘅改動真係算好少。

直徑 44.6MM，厚度 13.45MM，運動錶還是有啲質感同重量比較好。大型陶瓷錶圈，側面旋入式錶冠，具有自動排氦閥門，防水深度可以達到500米，盡顯 ScubaTec 嘅潛水優勢。

機芯方面用咗自家 CFB 1950.1 自動上鏈機芯，有瑞士官方天文台認證，有日期視窗時、分、秒簡單三針，提供約 38 小時嘅動力儲存。