比利時第一間威士忌蒸餾廠要去到 2004 年先正式成立，個品牌以貓頭鷹為標記，係因為比利時森林入面好多貓頭鷹，而且呢種動物仲代表住知識同智慧。

雖然歷史唔算好長，但唔代表 Belgian Owl 質素唔好，開業短短十零年，佢地已經喺 Whisky Bible 贏到 2011 年度歐洲單桶威士忌、2015年度歐洲威士忌，同連續5 年 (2011 – 15) 嘅 Liquid Gold Award。今次嚟到香港 City’Super 有 Belgian Owl 嘅 Single Malt 500ml 裝。

見到佢個酒色咁淺色通透，就知佢係年輕一輩嘅威士忌啦，運用比利時嘅大麥做原料，置於美國橡木桶陳釀36個月，期間並無做任何過桶或混釀，風味極之直截了當。清甜嘅梨、檸檬、蘋果香氣嚟得好清新，入口之後仍能感受到美國橡木桶帶嚟嘅雲尼拿甜味，收結嘅時候，水果餘韻仍然明顯，係一款甜美嘅可人兒。