若鶴酒造創立於1918，即大正7 年，期間經歷過大規模金融危機、世界大戰仍然屹立不倒。直到1952昭和 27 年，佢地終於取得威士忌製造牌照，但翌年冬天，蒸餾廠發生大火，燒咗6棟製造設施。當時嘅二代目，稲垣小太郎帶領若鶴員工奮力重建，約莫用咗半年時間，恢復生產線，仲引入埋新科技嘅蒸餾儀，若鶴 SunShine 威士忌就係佢地第一代嘅作品。

若鶴三郎丸於1960年釀造，亦剛好係 Sunshine whisky 嘅最初嘅發售年份。之所以叫三郎丸，係因為若鶴酒造發跡於礪波市三郎丸之地，當地有青山綠水，豐富嘅自然資源，仲有居民嘅支持，為咗向土地表達呢一份謝意，所以佢地就將呢枝酒命名為「三郎丸」。

55年嘅作品，每一個細節都顯露出大和民族嘅頂尖藝術氣息，富山玻璃工房製造嘅酒瓶，每一枝都由人手「一本一吹」精製；酒標用咗五箇山和紙，木箱來自小松市北村木箱 (公司名) 之手，上等桐箱夠輕、防潮，經常用於存放高價藝術品。至於綑綁於箱外嘅緞帶為真田紐，名字源於日本戰國名將真田幸昌，常見於其武器、防具。由於需要極高嘅紡織技術，真品嘅真田紐係好罕見，而三郎丸附帶嘅真田紐係屬於金澤市「織元すみや」嘅加賀錦袋紐。

講返三郎丸嘅威士忌，陳釀55年，你可以話佢同橡木桶已經化為一體，非常深邃嘅琥珀酒色，香氣散發黑糖、白朱古力，仲有少少香醋味道，入口風味強勁而帶細緻度，豐富嘅甜度來自長時間熟成嘅Rum酒，其複雜性有如陳年已久嘅干邑白蘭地。

售價 ￥550,000，限量 155 枝，購買方式係認購後抽籤嘅，而第一輪50枝認購時間係由 7月1號至7月19號23:59，聰明的你一定唔會忘記日本同香港係有時差的，詳細資料可以睇佢地官網 : http://www.wakatsuru.co.jp/saburomaru/index.html。