Islay 名廠又點可以唔提 Lagavulin 呢，近期為慶祝蒸餾廠200周年，再推出一隻25年嘅特別版威士忌，全球限量8,000枝，賣約USD 1,200，一萬港紙有找，不過而家Brexit成功，大家都知去邊買會平啲。

上一次隻8年特別版我試品過，喺咁短嘅熟成時間入面，酒液嘅平衡做得極好，今次玩高年，真係唔心心眼都唔得呀。

25年特別版，酒香豐盈而獨特，乾果、無花果、李子，開始時並不特別走香甜路線，木桶氣息濃厚，化成煙燻、炭香，而慢慢底層嘅果香浮現，伴隨蜂蜜，成熟蘋果，仲有啲啲拖肥糖同白舌古力。

收結高雅而柔長，呢個時候蜂蜜味更明顯，而煙燻、木桶味慢慢竄流，最後係少少苦澀同烘焙過嘅橙皮香。呢枝Lagavulin 25擁有 55% ABV，具層次感，而且力量澎湃，酒廠嗰邊建議你飲嘅時候，要用威士忌杯，直飲或者加少少少都可以，但佢無話可以加冰。記得，面對高年份威士忌，俾啲尊重，唔好加冰。