Analog Watch Co.同 Russian Federal Space Agency 聯手研發嘅 The Lunar Watch，經放射性同位素測年過後，相信呢啲月球石有整整45億年歷史。直至蘇、美兩國進行登月計劃，Moon Rock 都係充滿神秘感嘅質料，而家大家只要俾 USD 27,500 就可以將月球戴喺自己手上啦！

41 MM 月球橄欖玄武岩 (Olivine Basalt)，睇落去非常 Raw，保留返一份天然物料嘅質感，附合大家對「月球表面」嘅印象。錶盤係乜都無嘅大3針，配返藍寶石水晶玻璃面，而機芯就用返一款瑞士機械自動機芯。錶底蓋係 904L 精鋼，獨配一款意大利製黑色皮錶帶。