為咗慶祝東京朗格專賣店開幕，品牌特別於Saxonia系列出多兩隻灰褐色錶盤嘅珍品，開創咗呢個系列嘅先河。之前嘅白、灰面襯黑色錶帶算係經典之作，今次以棕色為主調嘅設計，感覺尤為高雅。

間位於東京銀座嘅新舖，遲吓等北村、健一郎帶大家睇吓，而家我地先睇呢對新Saxonia Automatic。同樣搭配朗格L086.1自動上鏈機芯，錶殼直徑38.5mm，指針、小時刻度與錶殼運用同一質料，無論係18K玫瑰金定18K白色黃金嘅配搭都非常靚仔，連埋手工縫製嘅棕色鱷魚皮錶帶睇，整體性好高。

呢款錶另一技術指標在於機芯厚度僅有 3.7mm，雖然纖薄，但details位仍然做得好足，有齊朗格標誌性嘅手工雕刻擺輪、夾板，Saxonia Automatic 嘅獨立機芯組件經過仔細修飾同手工拋光之後，亦會進行二次組裝工序，令呢個系列嘅腕錶更加獨特。