為一塊平面錶盤做Graphic Design並非難事 (係靚同唔靚咁解啫)，但要為鏤空程度咁高嘅RM68-01做設計，就要直接從機芯部著手，所需要嘅概念同技術亦唔係同一個層次。Richard Mille 今次crossover 搵埋塗鴉大師Cyril Kongo，為奢華腕錶抹上一滲玩味十足嘅街頭藝術。

法籍嘅越南藝術家Cyril 'Kongo' Phan已經同過唔少貴價品牌合作，不過於腕錶機芯上面動工就係史無前例。機芯嘅部件多而精細，想喺上面噴油已經唔容易，莫講話要刻字，而加咗顏料上去，又有可能影響重量，破壞機芯平衡，所以Cyril從原料、工具上都要重新研製，慎重選取。

限量30隻嘅 RM68-01 Tourbillon Cyril Kongo，每一隻都係由Cyril人手上色，每件都係獨一無二嘅珍貴藝術品。如果你話要睇結合機械技術、藝術創作嘅腕錶作品，呢隻一定 fit 到你要求啦，定價約64萬英鎊，計返港紙……. 而家英鎊跌勢持續，想知自己check返比較準。