上次同大家介紹過 Teeling 呢家愛爾蘭威士忌蒸餾廠，其歷史之悠久，連堆蘇格蘭名廠都比唔上。今次佢地出嘅係 Revival 系列，Revival Volume II，一隻陳釀 13 年嘅威士忌，同樣係非冷凝 non-chill filtered 嘅作品。

46% ABV，12年美國橡木桶嘅陳釀，再加一年 ex-Calvados 法國白蘭地桶，其實唔難想象佢甜美嘅程度。根據官方公佈，隻酒充滿烘焙嘅蘋果香，肉桂、拖肥甜味濃郁，仲有啲白胡椒嘅香辛增加複雜性。

入口感受到蘋果白蘭地嘅清爽氣息，同時草本風味帶嚟鮮明嘅個性，兩種橡木桶配合起上嚟非常獨特。呢枝Volume II限量10,000枝，international distributors 都會有得分，想嘗唔會太難，價錢約€115 (歐元)，港幣未連稅1,000蚊有找。