Hopsy啤酒機係由一家叫Krups嘅公司研發，你見佢個設計咁似咖啡機，係因為Krups同時係Nespresso嘅生產夥伴，所以個樣都相當之靚仔。

Hopsy Bottle 容量大約為2公升，你可以上網訂之後直接ship去府上，當擺咗入部機度，佢可以保持到大約兩星期嘅新鮮度，對於啤酒迷嚟講，2 Liters容乜易呀真係！

為咗保持新鮮直送嘅原則，而家Hopsy嘅服務範圍只係包括San Francisco、Alameda、Oakland、Berkeley，幾個美國地方。

家用啤酒機並非破天荒新奇發明，不斷出新款都係設計更好睇、保鮮度更高之類，但背後最重要嘅配套係要新鮮Delivery，上次手工啤介紹都講過香港其實有好多獨立啤酒廠，如果能夠配合到呢啲科技，一定可以發展得更好。