事緣於Burleighs嘅釀酒大師Jamie Baxter有次撞正櫻花季到訪東京，自然係落花滿天，粉紅一片，眼前又係一條花瓣大道，頓時感受到日本文化嗰種醉人魅力，返到英國之後就著手研發呢枝櫻花色Burleighs Pink Gin (Limited-Edition)，仲要全球限量得 600 枝，明顯係玩味之作多過要賺錢。

平時Gin酒都係透明無色，好似水咁嘅，Jamie Baxter於蒸餾過程中加入櫻花、西柚、洛神花、玫瑰花瓣等偏紅嘅原料，得出不單係一款新鮮、活力澎湃而順滑嘅氈酒，更加係染出一片櫻花色嘅藝術傑作。

40% ABV，搶眼嘅粉紅酒液，就算係一杯平凡嘅Gin Tonic都可以因為佢變得與別不同，加兩片新鮮西柚、洛神花瓣做Garnish，Gin酒嘅濃郁草本氣息加埋新鮮果香、甜度，以櫻花色嘅狀態呈現，女生見到一定會瞬間愛上。