唔知大家記唔記得當年Glenlivet有枝Alpha，別名“Black Canvas”，又係黑黑實實，無乜資料，飲緊啲乜完全係靠飲家自己估。據Glenlivet首席釀酒師Alan Winchester嘅說法，佢係唔想飲家對威士忌有先入為主嘅睇法，真正嘅口感應該駕馭一齊。

當時Alpha限量3,500枝，售價高達95英鎊，如果叫你用呢個價錢買一枝乜資料都無嘅威士忌，你又會唔會肯落搭? 今次呢枝Cipher雖然都賣90英鎊，但發行量就達到30,000枝，相信係經過Alpha一役，Glenlivet發現原來飲家們係鐘意估嘢，鐘意解碼玩戲嘅，所以今次就直頭發大嚟玩。

https://www.theglenlivet.com/cipher-experience/，有幸入手呢枝Cipher嘅飲家們可以上官網度搵更多線索，仲可以玩吓個Alan Whisky Wheel，學習吓點樣品鑑威士忌嘅風格。呢個訓練對於威士忌嘅初心者頗有幫助，能夠將風味與日常生活接觸到嘅食物、事物連結埋一齊，絕對係進入品鑑領域嘅第一步。