又一次威士忌與Fashion item嘅時尚Crossover，號稱美國最受歡嘅波本威士忌Jim Beam最近聯同木製腕錶品牌Original Grain，設計咗隻Jim Beam Black Kit Limited Edition，以陳釀過bourbon whiskey嘅美國白色橡木為製作材料，等一眾飲家可以將心愛嘅威士忌品牌戴於腕上。

47mm不鏽鋼錶殼，盤面、錶圈同其他木製部件就係採用咗Jim Beam嘅威士忌橡木桶，搭載常見嘅Miyota 8215自動機芯，提供到40小時嘅動力存儲。非常優雅嘅木質錶盤，簡約大三針設計，見到上半部嘅Original Grain字樣，而Jim Beam Logo就位於下方6點位置。腕錶跟埋個好靚嘅木製Box set，入面有意大利皮錶帶俾用家替換，最搶眼當然係個金屬酒瓶啦。

美國波本威士忌其中一個法例規定就係酒廠必需用全新嘅白橡木桶，用完係唔可以重用嘅，用過嘅橡木桶多數被賣到歐洲、蘇格蘭等地整威士忌、tequila，而家用嚟製錶都算係一舉兩得。不過個Box set賣$499美金其實係偏貴，但畢竟有個自動機芯又有意大利皮錶帶，加上飲家們嘅熱愛，相信市場仍然係受落嘅。