周末出嚟飲嘢，隨時人山人海，仲逼過平時旺角彌敦道，喺黑媽媽又多人到爆嘅酒吧，想搵個侍應嗌Next Round隨時難過登天。喂，成班友難得聚頭飲酒，時間係幾咁寶貴，點解仲要花心機等Bartender，浪費精神搵Waiter? 而家你只要加一粒Martini Smart Cube喺杯酒度，就可以安安樂樂，無限暢飲！

呢個Smart Cube會自動偵測杯入面淨返幾多酒，喺就快飲哂嘅時候，Cube上面嘅LED燈會閃一串特定Sequence，再透過Bluetooth藍芽傳輸訊號俾酒吧職員，等佢地自動自覺識行埋你度，問你要唔要下一杯，客人就唔需要搵，亦唔需要等。

由3D打印造出Ice Cube嘅原型，再以Silicon封好，保證唔會損害健康，25mm size亦可避免你唔覺意飲咗落肚，而個藍芽系統即使喺液體之中，亦做到30米覆蓋範圍。既然係高科技產品，當然唔止Send Singal咁簡單啦，酒吧可以喺iPad裝個app去連接Smart Cube，從而得到客人嘅落單記綠。Smart Cube由Martini同廣告公司AMV BBDO聯手研發，剛剛喺意大利F1 Grand Prix首度登場，對酒吧界嚟講，絕對係好有潛力嘅New Toy。