「如果係都要為Laphroaig加上一個期限，我希望係一萬年。」可惜酒廠未必接受廣東話，否則我一定盡訴心中情。飲家們，如果你地都有說話同Laphroaig講，唔好錯過10月中嘅Big Opinions。10月11 – 15 號，Laphroaig會實時將Twitter上面嘅Comment，投影去超過200年歷史嘅酒廠白色外牆，呢個活動係希望飲家講出真實嘅意見。

佢地歡迎所有意見，但同高登一樣，都係有admin睇住嘅，而Laphroaig嗰位admin就係distillery manager John Campbell。佢會揀出合適嘅comment去進行投影，世界各地嘅Fans可以去 www.laphroaig.com/opinions 睇live broadcast。

Laphroiag另外有個 2016 #OpinionsWelcome Global Competition，世界各地嘅酒迷可以去 www.laphroaig.com/opinions/competition.aspx 整一張Opinion Banner，寫得最好嗰兩位可以飛去Islay一睹自己張大字報。比賽是咁玩的：官網入面會提供一堆選擇俾你，包括10年系列、PX Cask同其他精選作品，揀選心水作品後，飲家可填寫20字以內嘅意見，並自行設計獨特嘅意見大字報。最後酒廠會揀出10張作品，貼喺位於Islay嘅Laphroiag Distillery入面，當中更會有兩位幸運兒能夠親身去Islay睇製成品添！

Laphroaig講到明可以讚、可以彈，可以玩嘢，又可以好有詩意，你想點都得，重點係，你要形容到嗰枝威士忌。即使無參加，我地都可以去Opinion Wall睇下其他人點講枝酒，又可以用 #opinionswelcome 呢個Hashtag喺Facebook、Twitter、Instagram度同其他人交流，大鳴大放，最怕你無嘢講。