唔講咁多，睇吓段片先 :

內容大約係講一個高科技實驗室入面，有部立體掃瞄器。FXX K跑車需於50秒內，通過一系列掃瞄器，並完成一圈。FXX K跑車奔馳之際，就有不同嘅掃瞄器分析跑車資料，最後有個「完成」字樣，就開始見到隻錶嘅雛形，直至最後，FXX K完成賽程，而MP-05 La Ferrari Sapphire亦告誕生。

段片重點Highlight咗HUB9005.H1.PN.1機芯、法拉利經典跑車，同埋透明藍寶石錶殼嘅故事。MP-05 "LaFerrari" 取材自同名跑車，而升級版本MP-05 "LaFerrari" Sapphire則以超級跑車FXX K為靈感。超科幻立體設計由7塊藍寶石以機器切割而成，製作需時逾600個鐘頭，同時要求精準立體工藝，先做到呢隻重量只有53.5克嘅超輕巧腕錶。

機芯零件以超輕巧碳材製成。腕錶備有怪物級50日動力儲存，中央設有11個排列成脊柱型嘅串聯發條盒，為擁有637個零件嘅機芯提供動力，而50日動力儲存、637個零件嘅機芯都刷新咗世界紀錄。咁勁嘅錶款，搬到大銀幕之上，MP-05 "LaFerrari" Sapphire的確俾到錶迷極大嘅視覺震撼。