文：MenClub Raphael 圖：互聯網
POSTED ON 17 Nov 2016
| VC喺260周年推出Harmony限量版腕錶之後，今年終於為呢個優雅系列作出延續，仲要一出就係十大傑青嘅強勢列陣，悉數推出咗計時、小型計時、陀飛輪計時、兩地時等等；而當中最令錶迷期待嘅驚艷之作，一定係全日曆 (星期、日期、月份) 嘅複雜款式，而新Harmony皆配備VC全新嘅自製機芯，老實講，每一款都係充滿內涵。 |
|
| 枕形錶殼係Harmony系列嘅一大標誌性特色，靈感來自於古董時計，揉合咗弧形錶殼，方形錶圈同埋圓形水晶鏡面設計。同第一批260周年限量版唔同嘅地方係，呢次10隻常規款用咗深煙煤色小時刻度，取代咗舊有嘅藍色時標。柔和嘅鍍銀乳白色錶盤、更具時代感嘅字體，重新設計嘅軌道式分鐘刻度圈，都係現代美學嘅一種演繹。 |
|
| Harmony全日曆錶款用咗粉紅金枕形錶殼襯簡潔嘅錶盤設計。中央指針結合錶盤外圈指示日期，指針個頂有紅色嘅新月形裝飾，同色嘅星期、月份顯示則放置於錶盤嘅上半部；下半見到月相、月齡顯示。其天文測量嘅準確度都係達至頂級，122年先需要調校一次，而普通嘅月相錶每三年就要校一次。 |
|
| 腕錶搭載VC自家研製嘅全新機芯2460 QC自動上鏈機芯，共308個部件，震動頻率為4赫茲，提供到約40小時嘅動力儲存。 |