細個屋企人必定係教你唔好咬牙籤，或者平時唔好習慣擔住枝牙籤，否則個人會睇落好麻甩，又無禮貌。不過，今日如果大家咬籤，我會表示諒解，因為用Infuse咗蘇蘭格艾拉島煙燻風味嘅牙籤，已經登場啦 (Go Through吧巴打們)！！我地成日都話威士忌講餘韻，想味蕾之上，留住陣陣香味，而家用枝籤仔都做到啦。

呢筒極之型棍子嘅牙籤，專為各位Whisky Lovers設計，牙籤上面Infused咗艾拉島嘅威士忌煙燻香味，聽聞其酒來自一家擁有200年歷史嘅蒸餾廠，Islay Island得幾家酒廠，相信各位飲家都心裡有數啦。資深威士忌愛好者，多數都鐘意Islay作品，其煙燻泥煤風味獨特得嚟變化多端，係就係重口味，但味道濃郁之餘又多數不失柔滑，識得飲，你就知佢有幾正！

臨近聖誕佳節，想玩交換禮物真係諗爆頭，咁大個人又唔好意思玩iPhone盒 + 真蘋果 (驚俾人打到入廠)，搵到啲又平、又特別、又好玩嘅禮物就最好不過啦。咁啱呢個 Whisky Toothpicks 又啱哂啲酒迷嘅口味，己之所欲，必施於人，無錢買錢的話，買呢個俾人都無死架啦。

Source : Cool Material