究竟鐘錶世界的藍色熱潮可以持續到幾時? 在這潮流快上快落的世代，現在藍色仍是王道已有點超乎我想像了。既然湛藍人氣高企，腕錶品牌繼續增加自己的Blue Collections也不足為奇，其中包括下月Basel錶展的Maurice Lacroix，無論男女錶款，錶盤錶帶，藍得徹底，藍得出色。

1990 年代，Maurice Lacroix推出咗一款經典之作Calypso，直至上年，品牌改良咗呢款Calypso，為佢重新設計定位，並命名為AIKON，Basel嘅AIKON Chronograph就係由此而來。44mm精鋼錶殼，配備藍色陽光放射飾紋錶盤，金屬質感更為亮麗，形象非常強烈。腕錶仍然係用返石英計時碼錶機芯，6點位小秒針加日期顯示，9點位30分鐘計時盤，12點位係1/10秒計時盤，襯返藍色嘅鱷魚紋小牛皮錶帶，一切得藍。

女裝錶Eliros系列都係藍色主題，新Eliros Date Ladies具備直徑30毫米、4N PVD塗層錶殼，中間錶盤同樣有藍色陽光放射飾紋，4N鍍金大三針加一個日期顯示，配搭羅馬數字、修長時標，營造出高雅嘅女性姿態。腕錶搭載返一隻石英機芯同埋艾美藍色小牛皮錶帶。