講起紅色日本武士，最出名無疑係前排啱啱播完，由堺雅人主演嘅《真田丸》，號稱日本第一兵嘅真田幸村。如果大家有睇套日劇，片頭正正就有堺雅人帶領赤備軍團衝鋒陷陣嘅場景。不過日本史上最早結成赤備軍團嘅，係嘅武田信玄的家臣飯富虎昌。武田家以風、林、火、山行軍，其中火者為侵略如火，所以先鋒、陷陣、突擊部隊都以赤色裝備為記。後來井伊直政又以赤備編成自己嘅部隊，世有「井伊之赤鬼」嘅稱譽。因此赤備又象徵住戰力高強嘅精英部隊。

MR-G為G-Shock嘅尊貴系列，科技、用料都係最頂級嘅，Akazonae都係一樣，除咗有鈦金屬錶圈、金色按鈕同刻度，仲有carbon coating同藍寶石水晶玻璃。Akazonae同樣配備MR-G嘅強大功能，雙世界時、GPS搭載電波接受收系統、防撞防震、200米防水，係號稱Unbreakable嘅堅固錶款。呢隻錶4月起會喺G-SHOCK Soho Store開賣，售價US$3,000。