1.科學家話其實花生唔算係堅果類，而係好似屬於碗豆或毛豆之類嘅豆類植物。

2.其實電影預告早期作用係喺電影結束後先播放，但因為戲院發現觀眾睇完戲就會走，唔會繼續留低，所以而家先變成喺睇戲前播電影預告。

3.全世界有超過2萬種蜜蜂，但真正會採蜜嘅得7種蜜蜂。

4.美國媒體曾經報導過，Oreo其實唔係原創餅乾，而係模仿Hydrox餅乾，不過Hydrox餅乾最後經營唔掂停產，大家就慢慢以為Oreo 餅乾係原創餅乾。

5.地球上99%黃金都喺地核裡面，係40億年前流星雨撞擊地球時，先將幾十億噸嘅液化黃金沉入地核之中。

6.瑞典皇家理工學院嘅數學家Mikael Vejdemo-Johansson曾經研究出17萬7千種打tie方法。

7.為咗提供足夠嘅捲裝廁紙畀全球嘅人，每日都有超過12萬7千棵樹被砍。

8.朱古力奶其實係17世紀愛爾蘭科學家Sir Hans Sloane喺牙買加時，發現當地人會用可可粉加水嚟飲，從而舒緩身體不適，後來佢將可可粉引入英國，為咗令口感好啲就加入牛奶，而當時朱古力奶被當成藥劑咁賣，話佢可以舒緩疲勞、解蛇毒同埋改善心血管問題等等。