相信大家都依家都忙於籌備聖誕派對啦，除咗要諗著乜食乜交換啲咩禮物之外，各位搞手仲要諗埋點樣可以炒熱個派對氣氛！喺呢個時候最啱就出動花炮、噴雪之類嘅嘢。但老老實實，都過咗十幾廿年聖誕，如果依家都仲有人話見到啲噴雪就好開心，擺明就係講大話啦！所以就等我介紹以下呢碌嘢比你，等你可以兜口兜面射到啲女仔一面都係，然後佢哋仲會喴嘩鬼叫，話你衰人，佢係第一次添！

唔好諗衰嘢，我要介紹嘅只係呢一碌唔噴花紙唔噴雪，但係會噴(假)曱甴嘅花炮！你諗下如果你真係噴一堆曱甴落條女塊面到，佢仲唔「喴嘩鬼叫，話你衰人，佢係第一次」？斷估都唔會有人試過掛？