據外媒《Fox News》報導，位置美國猶他州嘅西敏大學（Westminster College）將於2022-2023學年開設一門名為「Porn」嘅選修課，旨在透過色情電影探討種族、階級及性別議題，同學完成課程後即可獲得2學分。

圖片截自：Facebook@Westminster College

校方於課程簡介表示：「Hardcore色情片就好似蘋果批咁具有美國特色，比周日晚上嘅美式足球賽事更受歡迎。」認為呢個價值數十億美元嘅產業係一種文化現象，反映及加深性別不平等，同時亦係一種需要認真思考嘅藝術形式。學生們將會一齊睇色情電影探討種族、階級及性別議題，並將其作為一種實驗性、激進嘅藝術形式。

消息傳出後隨即引嚟唔少討論及抨擊，校方就話學校偶然都會開設呢類選修科，藉此分析社會議題，強調課程重點唔係集體睇色情片，亦都唔係要講色情片有幾好或者點樣製作，而係提供多元化視角及培養批判性思維，了解色情對社會、文化以及社會不平等嘅影響。