1.多飲水
人嘅身體有50-65%都係由水組成，就算少咗1%，都會令人有疲倦嘅感覺，呢個時候多啲飲水，就可以增加血漿（血漿裡面大部分都係水），幫助恢復精神。

2.聽住音樂做嘢
其實聽住自己鍾意嘅音樂，可以令身體分泌血清素、多巴胺等等，令心情更好更精神，如果配合適量嘅郁動，仲可以幫助分泌腦內嗎啡，令人感到少許亢奮，就唔怕眼瞓！

3.曬太陽
曬太陽或者照吓強力嘅人工光源，都可以令下視丘嘅神經活化，分泌激素令身體亢奮，個人都會精神百倍！

4.睇貓貓
估唔到貓貓都可以令人提起精神！話說睇貓貓會令人分泌愛情賀爾蒙，令壓力賀爾蒙下降，呢個時候集中力就會提升！