其實啪啪啪係一件好敏感嘅事情，講嘅唔只係身體上，仲係心靈上。就算你平日同伴侶幾玩得都好，但啪啪啪期間，都有啲說話同玩笑唔講得出口。將心比己，如果啪啪啪時，你女人笑你︰「乜你咁細架？」、「入咗架喇？」、「咁快嘅？」等等說話，就算係講吓笑都好，一樣會傷害到你嘅弱小心靈。尤其是女人天生就多疑，又鍾意亂諗嘢，就算你無心嘅說話，都有機會Hurt到佢。

究竟喺床上做愛時要小心唔可以講啲乜？睇過你咪知。

「入咗去喇？」
其實咁問等同於個女仔暗示你細一樣。就算你經驗不足真係唔識，但當你問呢條問題嘅時候，女仔心入面只會諗你係咪暗示佢鬆……

「你咁做唔啱。」
其實啪啪啪冇分做得啱定唔啱，都係睇感覺同大家嘅配合程度。可以有啲女仔技巧唔太好，又或者經驗不足，你可以慢慢引導佢，而唔係話佢咁做點點點，咁講只會令個女仔覺得自己做得唔好，令佢有壓力。

「不如我哋影相留念……」
可能你會覺得呢啲係情侶間嘅小情趣，但其實啪啪啪時影相，女生係會感到非常在意同埋不安，會擔心照片流出，又會覺得你唔尊重佢。

「我唔射喺入面。」
其實有常識都知道，就算你唔射喺入面，一樣都有機會令女方受孕，其實唔戴套，好多時都係出於男生想舒服啲嘅自私念頭。為咗安全，都係戴返個安全套好啲。

「你覺得點樣？舒唔舒服？」
其實對女生而言，就算佢覺得舒唔舒服都好少會講出口，男生咁樣問，好多時都係想得到一個肯定嘅答案，滿足自己嘅成就感。老老實實，如果個女仔覺得好舒服，你唔問都會Feel到嘅。如果佢覺得唔舒服，又要問佢，只會令佢難做。

「我們快啲完好冇？」
要知道其實男女性達到高潮嘅時間可以差好遠，可能你好快就想射，又或者啪得攰想快啲完。但其實啪啪啪係雙方嘅享受，你都要為女方著想吓，咁短時間結束，佢真係已經滿足？如果你一心為自己開心就算，咁打飛機都一樣啫。