1. 床上叫咗其他人嘅名
好多男士為咗增長床戰嘅時間，都會喺啪啪啪時想東想西，令自己分心；又或者剛剛相反，會一邊諗住性幻想對象一邊做愛做的事，呢個時候，如果一個唔留神，個腦跟唔上身體，搞搞吓之際叫咗第二個人嘅名（姑勿論男人定女人啦），咁嘅話都好難唔會畀女飛。

2.洩流了女伴嘅豔照
情到濃時可能你都同希哥一樣，鍾意影返幾幅相留念，不過一旦擁有女伴嘅豔照，你就要100是肯定可以將佢守到永遠，如果唔係下場會點？你知架。

3.忽略個人衛生
可能你個人真係極度懶，懶得沖涼、懶得剪指甲、懶得剃鬚等等，唔好理直氣壯覺得男人就係咁架啦，因為呢啲嘢女人都會一一看在眼內，漸漸對你失去興趣。嚴重的話，唔使漸漸添呀，佢可以即刻嫌你烏糟就飛咗你。

4.過分慳錢
慳錢係美德，但任何事都唔可以過分，如果過咗位，就變成孤寒。試問邊有女人想男伴對自己出手咁低，食個生日飯都要斤斤計較？有時適當地花金錢去氹女人，都係維持關係重要嘅動作之一。

5.只愛自己
拍拖係兩個人嘅事，但如果你下下都只著重自己，傾偈內容全部關於自己、日常生活永遠以自己為先，咁自私嘅行為，你覺得你女人真係可以接受咩？

6.派對動物
喜愛夜蒲唔係罪，適度去Relax係可以嘅，但如果你次次落去玩都玩到癲晒，係咁Yo女，同其他囡囡玩天光，咁樣邊會有女人覺得有安全感？

7.出軌
正所謂一次不忠百次不容，女人唔係得感性一面，仲有理性一面，如果你一直行為紀錄不良好，佢係會考慮對你作出處分，唔再畀機會你。