喪用娃娃音
有時用娃娃音講嘢係幾嗲幾可愛，不過任何時候都用娃娃音講嘢，仲要傾正經嘢時都要Chok住聲咁講嘢，就真係好想令人打鑊金。

隨便拎男生嘅嘢去玩
例如問都唔問就將男生頂帽拎落嚟，戴喺自己個頭度。如果呢對男女好熟嘅話，咁呢啲頑皮嘅小動作，都仲算可愛，不過如果唔係好熟，呢啲行為就叫做冇禮貌。

扮蠢扮得太Over
蠢蠢地嘅女仔係好得人鍾意，又可以激起男生嘅保護欲望。不過如果扮蠢扮得太Over，連生活技能都唔識，咁呢啲已經超出咗一般人可以接受嘅蠢，反而令人唔想理呢個女仔。

過度欲擒故縱
好多女仔都知道，要令男人著緊就唔可以畀佢太易追到，要忽冷忽熱，欲擒故縱。適量咁用係會令男生覺得有挑戰性，但過度運用，只會令人覺得好煩好攰，覺得自己畀人玩緊，久而久之就會反感。

不停撥頭髮
撥頭髮對男生而言睇落係好性感，但用得太多嘅話，男生只會覺得好做作。

假裝有共同話題
有共同話題係會令大家傾得開心啲，但係就算冇共同話題，都唔會令男生反感。相反，如果冇共同話題又要扮啱Key，畀人發現咗反而覺得呢個女仔鍾意講大話。