作為一個冇人愛嘅小毒毒，夜闌人靜嘅晚上，總要啲慰藉，例如一個（或者N個）美少女攬枕陪伴你左右。不過呢啲咁毒嘅事，都係收收埋埋喺自己屋企，得自己同阿媽知就算。但你有冇諗過，最親嘅人，就係最容易出賣你嗰個？最近日本Twitter就有小毒毒網友大吐苦水，講媽媽如何將自己心愛嘅美少女攬枕「公開處刑」！

小毒毒網友就喺Twitter Post咗呢段文字︰「母親大人，你喺我整車嘅時候做咗咩呢？應該係想話順便洗一洗？但係，呢種晾法究竟係想點？」

畀人公開自己冇著衫嘅「老婆ssssss」於人前，係咪既心痛又羞恥？不過原來唔只一個媽媽鍾意咁做，似乎全天下嘅媽媽都唔介意用行動證明畀鄰居睇，自己個仔究竟可以幾毒！一齊睇吓下一位受害者。

「攬枕畀媽媽拎咗去曬。」