女朋友嬲豬發脾氣，無論你啱又好，佢啱又好，到最後低頭沙冧嗰個，都一定係男方（除非你想延續世界大戰或者散！），所以學乜鬼「如何同女朋友溝通」丫，直接學「有效的氹女友方法」好過啦！

講到氹女友，每個人都有自己一套方法，有人會講笑話、有人會送小禮物、有人會畀驚喜……不過最近日本綜藝節目「痛快TV」就話，原來呢期日本妹興嬲豬時被人XX就會即刻心軟，究竟呢招XX係乜名堂？仲估「壁咚」就Out啦你～係「捏臉」呀！

節目中就講到，唔少日劇都會出現男方溫柔地輕輕捏女方臉頰嘅情景，一來可以突顯女方嘅可愛，二來女生被捏時都會忍唔住，彼此可以化解尷尬氣氛。

就好似以下情況咁，條女一副女性性性器官擺上面嘅樣子，呢個時候，作為男朋友，應該點做呢？

A.逃跑
B.用劍隻揪
C.跪地畀人打14巴
D.捏對方臉頰