冇乜錢嘅銀包
呢個情況唔使解釋都知點解唔受女性歡迎，咪就感覺好窮囉！不過除此以外，見到銀包咁少錢，都有女性會諗︰呢個男人係咪冇朋友，冇咩社交應酬先唔放多啲錢喺銀包呢？（但我想講，呢個世界仲有visa同eps又點計先？）

殘舊破爛嘅銀包
銀包一到爛晒都唔換，對女性而言，唔係慳家嘅表現，而係寒酸，兼且拎出嚟仲好失禮人添。其實爛牛同爛銀包一樣都係爛，做咩要咁歧視個銀包呢～

有鐵鏈嘅銀包
N年前興過嘅有鐵鏈銀包，以前用就潮，而家用就柒。

將密實袋當銀包
除咗細細個帶錢返學校會用信封或者密實袋裝之外，真係未見過有人會咁做。

睇落好廉價嘅魔術貼銀包
魔術貼式嘅銀包睇落好唔大體，好似小學生用嘅咁，如果拎住呢個銀包出入高檔地方，女方可能會覺得好老尷。