原版Barbie身材係39-18-33，後來有好多人話呢個身材係畸形、唔好睇、搞到啲女仔對身材有錯誤觀念，所以後來就改到「似人」一啲。但18吋腰好唔合理咩？少見啲啫！好似呢個泰國美少女咁，佢條腰就係18吋！

一個三十有幾嘅男人，再加上呢排日日都攤喺屋企，條腰有35、36係好合理嘅事，而來自泰國曼谷嘅「Sinesyn」條腰就係你嘅一半——18吋，而且唔係吹架，佢IG上真係有相證明條腰就係18吋都唔夠！更難得嘅係佢雖然身形纖瘦，但睇落依然健康甜美，上身亦唔係完全平平無奇，再加上對白滑長腿更加飲得杯落！所以邊個話Barbie身材唔好睇架？