我相信大家細個都有睇過《超級戰隊》系列，當年每個禮拜晨咁早起身就係為左睇班五顏六色嘅戰隊打怪獸。其實人大咗，都會睇五色戰隊，只不過著眼點唔再係某個打怪獸好型嘅㗎仔，而係...明㗎啦。

今年20歲嘅「尾碕真花」，喺2012年參加第13屆「全日本家民美女少比賽」出道，並同該屆入選成員組成女子偶像組合「X21」，其後參演過唔少電視劇及廣告。不過講真正走紅就係2019年參演《騎士龍戰隊龍裝者》，飾演入面嘅明日奈（龍裝粉），樣子甜美加埋冧死人笑容，除咗成為小朋友偶像，更吸引唔少大朋友注意。

唔好睇佢瘦猛猛，實情就係一個大食妹，有次佢足足食左450g牛扒。不過後來因為要拍寫真同拍劇就積極減肥（唔使驚訝，其實我都覺得應該要增多過減），第一本寫真集いちか更去咗台灣取景，見到佢為咗拍寫真落過一番苦工，隱約見到肚仔上嘅腹肌線條。

資料來源：twitter@12osaki_ichika、instagram@ichika_osaki_official