100%撞樣大陸超靚雙胞胎

文：MenClub 魏文青　　圖：互聯網
POSTED ON 18 Mar 2015

大家有冇識過一啲姊妹，個妹靚到可以做MenClub Girl，但個家姐就好似比核彈炸過咁呢(而又通常，你都係識個家姐……）？為咗避免呢個情況，最好就當然係生對雙胞胎，靚就一齊靚，萬一生得樣衰都有個伴嘛！大陸網民近日在微博瘋狂轉發一對人又靚、學歷又高嘅雙胞胎姊妹「何鍶棋」同「何鍶怡」。由於兩人都係皮膚白皙、眼大面尖(當然唔排除有美圖秀秀過)，加上幾乎完全一樣樣，立時就引起網民關注！
唔好問我邊個係家姐(何鍶怡)、邊個係細妹(何鍶棋)
根據內地新聞(係，紅到上新聞)，雙胞胎姊妹來自四川成都，1994年出世。高中時就讀四川巴中二中，現時姐姐就讀南京藝術學院，妹妹則讀上四川師範大學。根據佢哋嘅高中老師所講，喺中學時期嘅兩姊妹成績都比較好，本來應該分到同一個班別，但因為二人嘅媽媽覺得兩姐妹讀同一班會影響學習，所以將妹妹調去另一班。

以文青嘅個人經驗，即使係同卵相生嘅雙胞胎，或多或少都會有「呢到多粒痣」、「嗰到少忽肉」嘅特徵，但偏偏何氏姊妹塊面太過完美，就咁睇相根本就分唔出究竟邊個打邊個。唔單上係我架，連生佢哋嗰個都分唔清架！

你自己話啦，唔係佢寫到明，你分得清咩？