今年18歲嘅「沢口愛華」，年紀輕輕就被日媒稱為「令和寫真女王」，從2018年投身寫真界至今已經拍咗10幾套寫真，差唔多出名嘅日本雜誌封面都上過晒，前途無可限量。

沢口愛華喺初中三年級嗰陣參加名古屋美少女選美比賽奪冠後，繼而加入當地女子偶像團體「dela」出道。隔年以偶像身份參加講談社「Miss Magazine 2018」選美大賽，最終擊敗3000名對手奪冠一炮而紅。其後以青春活力形象，加上與視覺年齡不符嘅F CUP身材橫掃寫真界，兩本個人寫真集銷量好到要多次重印，同時佢亦差唔多上勻晒多本著名日本雜誌封面。

佢最近更獲得「第7屆日本封面女郎大賞」總冠軍，並同時包攬「漫畫雜誌」、「寫真集」、「十二至二十歲」三個組別冠軍，再一次奠定「令和寫真女王」地位。

資料來源：twitter@delaaika0224、instagram@sawaguchi_aika_official