唔知各位去飲酒嗰陣，見到靚女啤酒推銷員又會唔會幫手買返打呢？今日介紹嘅「HONOKA」入行前就係做啤酒女郎，曾經憑住出眾美貌及推銷功力賣到破晒記錄，其後被經紀公司發掘入行做寫真女星，近年更成功轉型做時裝Model。

「HONOKA」入行前曾喺橫濱棒球場做啤酒女郎，因為甜美外貌吸引球迷瘋狂幫襯，最高記錄曾經喺一日入面賣出300杯啤酒，係平均值嘅三倍有多。其後被發掘入行做寫真女星，出道後就不斷被雜誌社邀請拍寫真，同時亦上過唔少綜藝節目。

可惜佢從2018年起就突然減產，收起笑容從陽光青春少女變成初熟魅力少女，喺2019年更成功轉型做埋時裝Model，成為日本女性時尚雜誌《CanCam》專屬Model。雖然佢近年少咗拍寫真，但周不時都會喺社交媒體上大派「福利」。唔知大家鍾意以前嘅佢，定依家嘅佢多啲呢？

資料來源：twitter@s2jh3、instagram@nononon159