近排好似集中介紹得多上半身吸引嘅女仔，為咗照顧唔同男士嘅需要，今日就介紹一位有「羚羊腿」之稱嘅日本Model「岩崎名美」。

今年24歲嘅「岩崎名美」，13歲就擔任青少年時尚雜誌《Hanachu》御用Model出道，其後又被人氣少女雜誌《JJ》睇中，做埋人哋御用Model，更喺2012年以16歲之齡成為最後生嘅「TORAY泳裝形象代言人」。做得泳衣代言人身材緊係有返咁上下，有「羚羊腿」之稱嘅「岩崎名美」就擁有168cm身高及85cm長褪，咁完美嘅比例又難怪年紀輕輕就喺Model界走紅。至於點解會叫「羚羊腿」，大家只要諗下羚羊隻腳同patpat就會大概明白。

「岩崎名美」自從2014年後就無出過寫真，本以為佢已經永久退出寫真界，點知佢喺上個月突然宣佈今年5月中會推出一張寫真DVD，並表示為咗拍攝已經做咗一年gym，到時會再次展示85cm「羚羊腿」，希望大家會鍾意咁話。

資料來源：twitter@nami_iwasaki、instagram@nami_iwasaki