現今呢個社交媒體主導嘅時代，成為明星嘅方法已經唔同晒，只要社交平台上有一班忠實粉絲，你同我都有機會做明星。今次介紹嘅「岸みゆ」，就係憑著玩TikTok收獲一大班粉絲，繼而得到傳統經紀公司賞識，出道成為偶像。

今年20歲嘅「岸みゆ」，出道前就已經係個大紅人，透過玩TikTok收獲2萬多位IG粉絲，好快就吸引到著名經紀公司01familia垂青，於上年加入旗下女團「#BABABABAMBI」正式出道，同時係隊內最後生嘅成員。雖然生得嬌小嘅「岸みゆ」，身高只有145cm，屬於可愛妹妹類型，但身材就非常稱勻迷人，曾喺青少年雜誌《週刊YOUNG JUMP》偶像試鏡活動獲得大獎，以水着造型登上雜誌封面。

唔好睇佢生得細粒可愛就覺得佢細膽怕羞，其實佢好鍾意睇喪屍片，最鍾意就係睇《The Walking Dead》。目前正積極發展偶像事業，未來有機會嘅話都想嘗試一下出演電影或電視劇，大家拭目以待吧。

資料來源：instagram@miyu_kishi0213、twitter@miyu_kishi0213