日本寫真界一向吸引唔少青春少女入行，能夠喺眾多美女當中脫穎而出，一定有其過人之處。今日介紹嘅新人「愛森ちえ」，推出首張寫真DVD就登上銷量榜冠軍，一睇就知道佢唔嘢少啦。

今年24歲嘅「愛森ちえ」本名為「前田千惠」，讀緊大學嗰陣已經係萬人迷，曾經喺2019年日本最美大學生選美比賽「Miss of Miss 2019」獲得審查員特別賞，其後更喺講談社所舉辦嘅選美比賽「Miss Magazine 2019」打入16強。

「愛森ちえ」畢業之後就以依家嘅藝名投身藝能界，現時係偶像女團「elsy」成員，不過對比起偶像事業，佢嘅寫真事業更為亮眼，最近就推出咗首張寫真DVD，以性感水着造型大晒G Gup巨乳，唔只睇落「Big」爆，仲要現晒青筋，加埋個甜到入心嘅笑容，真係想殺死人咩！