相信有飲開酒嘅朋友，都會明白最開心嘅事莫過於同靚女把酒談心，由愛情觀吹到去講人生講理想，間唔時就拋下書包展示自己嘅學職，等對方流露出一種「你好叻啊！」嘅眼神（真定假都好啦），繼而內心暗爽。今日介紹嘅「高田秋」，原本係Model出身，但就因為對酒好有研究，於是去咗做飲酒節目主持人，展示出千杯不醉能力，其後更取得唎酒師資格，你又想唔想同佢飲返杯呢！

今年29歲嘅「高田秋」擁有四分之一亞美尼亞血統，由於生日正值日本嘅秋分（9月23）所以父母幫佢取命為「秋」，高中時期已經開始做Model，直到20歲升讀大學嗰陣先擺到東京居住，並成為女性雜誌「mina」Model，正式展開演藝生涯。後來更憑著出色嘅口才進軍電視界，擔任過飲酒同賽馬節目主持人，喺飲酒節目取得人氣後，更推出首本個人寫真集大曬火辣身材。

雖然「高田秋」今年已經29歲，但就比好多同年嘅女仔顯得青春活潑，加上嗰充滿陽光嘅笑容，你話佢目測只有20出頭都唔過份，絕對唔輸蝕畀後生女。

資料來源：instagram@shu_takada、twitter@viviansuuuu